Fjetja me një dritë të zbehtë, si ajo që vjen nga televizori i fikur, mund të ndikojë shumë në shëndetin tuaj.

Sipas një studimi të fundi, kjo lloj drite mund të rrit nivelin e sheqerit në gjak dhe shton rrahjet e zemrës edhe tek të rinjtë e shëndetshëm, transmeton portal arbresh.info

Drejtori i Qendrës për sëmundjet e zemrës dhe gjumin në shkollën e Mjeksisë të Universitetit Northwestern në Feinberg dhe Dr. Phyllis Zee shpjeguan se drita e zbehtë hyn në qepalla dhe shqetëson gjumin.

Zakonisht, rrahjet e zemrës ulen gjatë natës dhe ngadalësohen, pasi edhe truri është i zënë me rikuperimin dhe rinovimin e trupit. Studime të shumta kanë treguar se një rritje e rrahjeve të zemrës nga ana tjetër është një faktor rreziku për zhvillimin e sëmundjeve të zemrës dhe vdekjen e parakohshme.

Sheqeri i lartë në gjak është një shenjë e rezistencës ndaj insulinës, ku trupi ndalon përdorimin e duhur të glukozës dhe pankerasi mbingarkohet, duke e përmbytur trupin me insulinë shtesë për ta kompensuar atë derisa përfundimisht të humbasë aftësinë për ta bërë këtë. Me kalimin e kohës, rezistenca ndaj insulinës mund të çojë përfundimisht në diabetin e tipit 2.

Hulumtimet e mëparshme kanë treguar një lidhje midis dritës artificiale gjatë natës dhe shtimit të peshës dhe obezitetit, çrregullimeve metabolike, sekretimit të insulinës dhe zhvillimit të diabetit dhe faktorëve të rrezikut kardiovaskular.

Në studim kanë marrë pjesë 20 persona në të 20-tat, të cilët ranë dakord që të flenin në laborator.

Natën e parë ata e kaluan në një dhomë të errët dhe të gjithë pjesëmarrësit e studimit ishin të lidhur me pajisje që monitorojnë masat objektive të cilësisë së gjumit. Për të qenë në gjendje të mblidhnin të dhëna me ndërhyrje minimale, ata flinin me terapi intravenoze me tuba të gjatë që kalonin nëpër dhomë dhe shkojnë më tej përmes vrimës në anën e kërkimit të laboratorit. Kjo mundësoi nxjerrjen e gjakut pa prekur pjesëmarrësit në gjumë.

“Në këtë mënyrë u regjistruan valët e trurit dhe u saktësua se në çfarë faze të gjumit është një person”, tha Zi, duke shtuar: “Kemi regjistruar frymëmarrjen e tij, rrahjet e zemrës, EKG-në dhe gjithashtu kemi marrë gjak prej tyre për të matur melatoninën deri sa ata flinin”, tha autorja e studimit.

Melatonina është një hormon që rregullon ritmin cirkadian të trupit ose orën e trupit për gjumin dhe zgjimin.

Një pjesë e përzgjedhur rastësisht e grupit përsëriti të njëjtin nivel drite natën e dytë në laborator, ndërsa grupi tjetër flinte me dritë të zbehtë.

Edhe pse drita ishte e vogël, ajo shkaktoi mungesë të gjumit te pjesëmarrësit.

Përveç kësaj, rrahjet e zemrës ishin më të larta, rezistenca ndaj insulinës u rrit dhe sistemi nervor ishte çekuilibruar, gjë që shoqërohet me presion më të lartë të gjakut tek njerëzit e shëndetshëm.

Rezultatet e studimit u publikuan në Proceedings of the National Academy of Sciences.
Autorja e studimit Dr.Zee rekomandon që të flini pa drita ndezur dhe një orë ose dy orë përpara se të shkoni në shtrat nuk duhet të keni kontakt me paisjet elektronike./arbresh.info/